Венчур молиялаштириш

Инвестиция компаниялари ва венчур молиялаштириш

Ўзбекистон Республикаси Президентининг “Тадбиркорлик ва инновация соҳасида лойиҳаларни молиялаштириш механизмларини тубдан такомиллаштириш чора-тадбирлари тўғрисида”ги 2019 йил 24 ноябрдаги ПФ-5583-сонли Фармонига мувофиқ венчурли молиялаштиришни ривожлантириш мақсадида “Инвестицион ва бошқарув компаниялар тўғрисида”ги Низом лойиҳаси ишлаб чиқилди ва Вазирлар Маҳкамасининг 2019 йил 17 майда 414-сонли қарори билан тасдиқланди.

Бугунги кунда 3 та инвестиция компанияси, 1 та венчур фонди ва 1 та бошқарув компанияси ташкил этилди.

1. Ўзбекистон-Амирликлар инвестиция компанияси.

Ўзбекистон-Амирликлар инвестиция компанияси фаолиятини ташкил этиш чора-тадбирлари тўғрисида” Ўзбекистон Республикаси Президентининг 2019 йил 20 майдаги ПФ-5722-сон фармони қабул қилинган.

Ўзбекистон Республикасининг Тикланиш ва тараққиёт жамғармаси ҳамда Абу Даби ривожланиш жамғармаси (БАА) ўртасида 2019 йил 24 мартда устав фонди миқдори 10 миллион АҚШ долларини ташкил этувчи масъулияти чекланган жамият шаклидаги Ўзбекистон-Амирликлар инвестиция компаниясини ташкил этиш тўғрисидаги таъсис шартномаси имзоланган ва компания инвестиция портфели шаклланиб боришига мувофиқ устав фондининг босқичма-босқич 1 миллиард АҚШ долларига тенг бўлган миқдорга етказилиши белгиланган.

2. “Венчур Капитал Инвест” инвестиция компанияси.

“Венчур Капитал Инвест” масъулияти чекланган жамият шаклидаги Инвестиция компанияси 2019 йил 26 апрелда Тадбиркорлик субъектларини давлат рўйхатидан ўтказиш маркази томонидан рўйхатга олинган.

3. “Vodiy Investments” инвестиция компанияси

“Фарғона водийсида тадбиркорлик ташаббусларини қўллаб-қувватлашга доир қўшимча чора-тадбирлар тўғрисида”ги Ўзбекистон Республикаси Вазирлар Маҳкамасининг 28.06.2019 й.даги 542-сонли Қарори асосида ташкил этилган.

Андижон, Наманган ва Фарғона вилоятларида бошқарув компанияси томонидан жалб қилинган малакали инвесторларнинг пул маблағларини кейинчалик саноат тармоқлари, хизмат кўрсатиш соҳалари, инфратузилмани ривожлантириш бўйича истиқболли бизнес-лойиҳаларга, шунингдек, бизнеснинг айланма капиталини молиялаштиришга сарфлаш учун шакллантиради ва жамлайди.

4. “Vodiy Investments Management” бошқарув компанияси.

“Фарғона водийсида тадбиркорлик ташаббусларини қўллаб-қувватлашга доир қўшимча чора-тадбирлар тўғрисида”ги Ўзбекистон Республикаси Вазирлар Маҳкамасининг 2019 йил 28 июньдаги 542-сон қарорида “SFI Management Group” ХК МЧЖ бошқа инвесторлар билан биргаликда “Vodiy Investmеnts” инвестиция компанияси ва “Vodiy Investments Management” бошқарув компаниясини ташкил этилиши белгиланган.

“Vodiy Investmеnts Management” Андижон, Наманган ва Фарғона вилоятларида бошқарув компанияси томонидан жалб қилинган малакали инвесторларнинг пул маблағларини, тадбиркорлик субъектларининг айланма капиталини молиялаштиришга сарфлаш учун шакллантириш ва жамлаш фаолиятини амалга оширадиган Vodiy Investmеnts” инвестиция компаниясининг инвестиция қўйилмаларини бошқаради. Мазкур вилоятлар ҳокимликлари билан биргаликда молиялаштириш ва баҳолаш учун истиқболли бизнес-лойиҳаларни топиш билан шуғулланади.

5.“Аstron” венчур фонди

“Аstron” венчур фонди иқтисодиётимиз ривожланишига ўз ҳиссасини қўша оладиган самарали лойиҳаларни танлаб олиб, юқори потенциалга эга, даромад келтирадиган венчур лойиҳаларига инвестиция қилиш фаолияти билан шуғулланади.

 

Инновацион ривожланиш вазирлиги томонидан венчур молиялаштиришга тавсия этилган устувор инновацион, тажриба-конструкторлик ва стартап лойиҳаларининг
РЎЙХАТИ

 

Лойиҳанинг номи

Сўралган маблағ

(млрд. сўм)

Лойиҳани амалга ошириш муддати

(йил)

Лойиҳа тури

1

Ўзбекистон Республикасида ишлаб чиқариладиган композит полимер материалларни қурилишда саноат усулида қўллаш шароитларини яратиш

1,5

2

Инновацион

2

Ерларни нуқтали услуб билан суғориш учун грунт сувларидан фойдаланиш бўйича қуёш энергиясида ишловчи автоном мажмуани ишлаб чиқариш, ўрнатиш ва уни ишлатиш.

44,6

3

Инновацион

3

Сайёҳлар оқимига хизмат кўрсатишнинг инновацион тизими.

37,0

2

Инновацион

4

Ултра-ихчам шахар электромобилини яратиш.

28,8

4

Стартап

5

Инновацион соғломлаштирувчи марказ.

17,3

5

Инновацион

6

Агротехника, автомобилсозлик, тўқимачилик ва авиасозлик саноатини, энергетика, юқори технологик (инновацион) компонентлар ва дори воситаларининг импорт ўрнини босувчи маҳсулот ишлаб чиқариш.

15,0

7

Тажриба-конструкторлик

7

Павлония Олтин дарахтининг даромад сирлари лойиҳаси

13,8

5

Инновацион

8

Ўсимтага қарши ҳамда бошқа миллий препаратларни маҳаллий ўсимлик хом ашёлардан ишлаб чиқиш ва ишлаб чиқариш бўйича илмий-ишлаб чиқариш комплексини ташкил этиш.

13,3

2

Стартап

9

Лойиҳалаш бўйича тавсиялар ишлаб чиқиш билан бирга Навоий тоғ-металлургия комбинатининг ГМЗ-2 ЦРУ омборларини булк туридан бирлаштирилган турга ўтказиш бўйича изланишлар.

 

79,3

3

Инновацион

10

Сенсорли ва квазисенсорли улагичлар ишлаб чиқариш.

5,7

3

Стартап

11

Канализация чиқиндилари ва ТБО дан биоёнилғи ишлаб чиқиш бўйича иноовацион лойиҳа.

4,7

3

Инновацион

12

Данакли мевалардан кенг турдаги озиқ-овқат маҳсулотлари ишлаб чиқариш кластери технологияларини яратиш.

3,5

5

Стартап

13

Маҳаллий хомашё ва техноген чиқиндилар асосида автоклав қотиш газобетон технологиясини ишлаб чиқиш.

3,3

2

Инновацион

ЖАМИ:

267,8