Коррупцияга қарши курашиш

Давлат ва жамият ривожига, халқнинг адолатга бўлган ишончига путур етказадиган хавф – коррупция хавфининг олдини олиш ва унга қарши курашиш борасидаги ишлар Республикамизда изчиллик билан амалга оширилмоқда. Бу борада Инновацион ривожланиш вазирлигида ҳам қатор ишлар бажарилди.

 

Вазирлик Ҳайъати ва ИТК йиғилишлари очиқ ўтказилмоқда

Коррупцияга қарши курашда давлат органларининг очиқлиги муҳим аҳамият касб этади. Шу муносабат ўтган йилдан бери Инновацион ривожланиш вазирлиги Ҳайъати ва Илмий-техник кенгашлар ИТК) йиғилишларини оммавий ахборот вакиллари, мазкур йиғилишарда иштирок этиш истагида бўлган бошқа фуқаролар ҳамда соҳа экспертлари учун очиқ ўтказилмоқда.

Ўрнатилган тартиб бўйича одатда Ҳайъатда Илмий-техник кенгашлар томонидан экспертизадан ўтказилган ва молиялаштиришга тавсия этилган амалий ва инновацион лойиҳалар Ҳайъат аъзолари томонидан муҳокама қилинади. Лойиҳалар бўйича тегишли Илмий-техник кенгашлари раҳбарларининг фикрлари тингланиб, саволларга жавоблар олинганидан сўнг, Ҳайъат аъзолари лойиҳаларни молиялаштириш бўйича қарорларни очиқ овоз бериш йўли билан қабул қилади.

phd.mininnovation.uz расмий сайти ишга туширилди

Вазирлик томонидан Олий ўқув юртидан кейинги таълимга қабул механизмини такомиллаштириш ва шаффофлигини таъминлаш, тадқиқотчиларни мониторинг қилиш ва ўз вақтида ҳимоялар сони ошириш мақсадида http://phd.mininnovation.uz расмий сайти ишга туширилди. Ушбу расмий сайт докторанларни қабул қилиш тизими мониторингини мустаҳкамлашга қаратилган. Бунда рўйхатга олишнинг электрон тизимини жорий қилинди. Шунингдек, докторантларнинг шахсий режасини бажарилишини мониторинг қилиш имконини берувчи автоматлаштирилган тизим илмий ишлар ҳимояларининг ўз вақтида бажарилишига хизмат қилади. Бундан ташқари мазкур тизим ортиқча қоғоз сарфланишига чек қўйиш, квоталар шакллантириш жараёнини электрон шаклга ўтказишга кўмак беради. 

fan-portal.uz. портали фаолият юритмоқда

Инновацион ривожланиш вазирлиги веб-саҳифасида мунтазам равишда эълон қилиниб бориладаган илмий лойиҳалар танловларига лойиҳаларни топширишда инсон омилини камайтириш мақсадида fan-portal.uz. портали яратилди. Мазкур порталда тажриба-конструкторлик, фундаментал тадқиқотлар, тематик илмий-тадқиқот лойиҳалари ҳамда стартап ва грант танловлар лойиҳаларини топшириш электрон тизимга ўтказилган. Келиб тушган лойиҳалар бўйича маълумотлар олишнинг онлайн тизими йўлга қўйилиб, очиқлик ва шаффофлик таъминланган.

Давлат харидлари электрон тарзда ўтказилади

Илмий-тадқиқот институтларининг илмий лабораторияларини жиҳозлаш учун юқори технологик асбоб-ускуналар харидини амалга ошириш мақсадида танлов ҳужжатлари бўйича эълонлар Давлат харидларининг махсус ахборот порталига ҳамда Вазирлик веб-сайтига очиқ эълон қилин йўли билан жойлаштирилади. Шунингдек, натижалар ҳам мазкур тартибда эълон қилинади.

Ёш олимларни стажировкаларга саралаб олиш механизми шаффофлик тамойилига асосланган

Ёш олимларнинг қисқа муддатли илмий стажировкаларини ташкил этиш мақсадида Вазирликнинг расмий веб-сайтига эълонлар жойлаштирилади ва натижалар ҳам мазкур веб-сайтда эълон қилиниб борилиши йўлга қўйилди. Шу билан бирга вазирликда аҳолини билан тўғридан-тўғри очиқ мулоқот қилиш, аҳоли билан тўғридан-тўғри алоқа каналлари ҳам яратилди www.mininnovation.uz (www.facebook.com/mininnovation.uz/, t.me/mininnovation, www.instagram.com/mininnovation, www.instagram.com/yoshlarakademiyasi, https://www.youtube.com/channe..., https://t.me/yoshlarakademiyasi), улар орқали фуқаролар билан тўғридан-тўғри мулоқот қилиш, уларни таклиф ва тавсияларини эшитиш, вазирликни фаолиятига оид хабарлар ва янгиликларни тизимли равишда киритиб, янгилаб бориш йўлга қўйилган.