Ilmiy kotib

Musayev Jaxongir Payazovich

Ilmiy kotib

Musayev Jahongir Payazovich 1972-yil 27-dekabrda Toshkent shahrida ziyolilar oilasida tugʻilgan. 1994-yili Toshkent davlat universitetini imtiyozli dimlom bilan bitirgan. Mutaxassisligi geograf.oʻqituvchi. Iqtisodiy geografiya, geografiya oʻqitish metodikasi sohalari boʻyicha olim. Geografiya fanlari nomzodi dotsent. “Antique world” xalqaro akademiyasi doktori.

Umumiy mehnat tajribasi 28 yil. Taʼlim tizimida 24 yil. Boshqaruv organlaridagi tajribasi 16 yil.

Mehnat faoliyati Toshkent tumanidagi 2-maktabda oʻqituvchilikdan boshlangan. 1998-2001-yillarda Oʻzbekiston pedagogika fanlari ilmiy tadqiqot institutida ilmiy xodim, aspirantura va doktorantura boʻlim boshligʻi, doktoranti boʻlgan. 2001-2013-yillarda Oʻzbekiston Respublikasi Xalq taʼlimi vazirligida nazorat sektori rahbari, pedagogik masalalar boʻyicha maslahatchi, ilmiy tadqiqotlar boʻlimida bosh nazoratchi, darsliklar va oʻquv hujjatlari boʻlimi boshligʻi, Axborot xizmati boshligʻi lavozimlarida ishlagan. 2013-2018-yillarda Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi Axborot metodik xizmatida oʻquv adabiyotlarining yangi avlodini ishlab chiqish boʻlimi yetakchi metodist, boʻlim boshligʻi sifatida faoliyat koʻrsatgan. 2018-yildan hozirgi vaqtgacha Innovatsion rivojlanish vazirligi Taʼlim tizimini rivojlantirish boʻlimi boshligʻi, Ilmiy kotib lavozimida faoliyat koʻrsatib kelmoqda.

120 dan ortiq ilmiy ishlari, jumladan 1 ta darslik, 2 ta oʻquv qoʻllanma, 2 ta monografiya, 3 ta risolasi chop etilgan.

Umumiy oʻrta taʼlim maktablari uchun yaratilgan 8-sinf geografiya darsligi 7 tilda chop etib kelinmoqda. Mazkur darslik 2005-yil Isteʼdod jamgʻarmasi tomonidan oʻtkaziladigan “Yilning eng yaxshi darsligi” tanlovida II darajali diplom bilan taqdirlangan. 2019-yil Oʻzbekistondagi birinchi, oʻz saytiga hamda har bir mavzusiga tegishli video va audio maʼlumotlariga QR-code koʻrinishda ega boʻlgan innovatsion darslik sifatida qayta nashr etilgan.

Yuksak natijalari uchun Davlat test markazining “Eng yaxshi test tuzuvchi” diplomi (2004-y.), Xalq taʼlimi vazirligining “Xalq taʼlimi aʼlochisi” koʻkrak nishoni (2006-y.), Jizzax viloyati hokimligi Fahriy yorligʻi (2014-y.), Oliy va oʻrta maxsus taʼlim vazirligi Fahriy yorligʻi (2017-y.), Inovatsion rivojlanish vazirligi Tashakkurnomasi (2019-y.) bilan taqdirlangan.

Jamoa ishlarida faol. Turli yillarda Oliy attestatsiya komissiyasi ilmiy-metodik jurnali tahrir hayʼati aʼzosi, Xalq taʼlimi vazirligi “Taʼlim taraqqiyoti” axborotnomasi masʼul kotibi, Maktabda geografiya” jurnali bosh muharriri (2008-2016 yy),“Sinf rahbari” jurnali bosh muharriri (2016-h.v.). Oliy va oʻrta maxsus taʼlim vazirligi Oʻrta maxsus, kasb-hunar taʼlimi markazi Axborot metodik xizmati kasaba uyushmasi raisi. Ayni paytda Xalq taʼlimi vazirligi Respublika taʼlim markazi geografiya boʻyicha ekspertlar kengashi aʼzosi, Innovatsion rivojlanish vazirligining Hayʼati masʼul kotibi.

Ilmiy kotibning lavozim vazifalari

  • Innovatsion rivojlanish vazirligining Ilmiy kotibi vazirning buyrugʻiga koʻra ilm-fan va texnika, iqtisodiyot sohalari boʻyicha Ilmiy-texnik kengashlarni tashkillashtiradi;
  • ularning faoliyatini muvofiqlashtiradi, vazirning ITK faoliyati boʻyicha buyruqlari ijrosining hisobi va hisobotini yuritadi, ilmiy ekspertiza, monitoring va hisobotlar jarayonida ishtirok etadi;
  • ilmiy tadqiqotlar va ishlanmalarning yigʻma istiqbolli va yillik rejalari boʻyicha takliflar tayyorlanishini boshqaradi, shuningdek vazirlikning tarkibiy tuzilmalari tomonidan bajariladigan ilmiy-tadqiqot ishlarining mavzuga oid rejalarini muvofiqlashtiradi;
  • Ilmiy-texnik kengashi ish rejasining loyihasini tayyorlaydi, ularning bajarilishi, hamda kengash tomonidan qabul qilingan qarorlarning amalga oshirilishini nazorat qiladi;
  • DITD ni bajarish bilan bogʻliq materiallar, innovatsion ishlanmalar, xorijiy va yoshlar grantlarining bajarilishi bilan bogʻliq materiallarni koʻrib chiqadi.