Oʻzbekiston Respublikasi Prezidentining «Tadbirkorlik va innovatsiya sohasida loyihalarni moliyalashtirish mexanizmlarini tubdan takomillashtirish chora-tadbirlari toʻgʻrisida» gi 2019 yil 24 noyabrdagi PF-5583-sonli Farmoniga muvofiq venchur moliyalashtirishni rivojlantirish maqsadida «Investitsion va boshqaruv kompaniyalar toʻgʻrisida»gi Nizom loyihasi ishlab chiqildi va Vazirlar Mahkamasining 2019 yil 17 maydagi 414-sonli Qarori bilan tasdiqlandi.

Bugungi kunda davlat tomonidan 1 ta investitsiya kompaniyasi, 1 ta venchur fondi tashkil etildi.

1. Oʻzbekiston-Amirliklar investitsiya kompaniyasi.

«Oʻzbekiston-Amirliklar investitsiya kompaniyasi faoliyatini tashkil etish chora-tadbirlari toʻgʻrisida»  Oʻzbekiston Respublikasi Prezidentining 2019 yil 20 maydagi PF-5722-son Farmoni qabul qilingan.

Oʻzbekiston Respublikasining Tiklanish va taraqqiyot jamgʻarmasi hamda Abu Dabi rivojlanish jamgʻarmasi (BAA) oʻrtasida 2019 yil 24 martda ustav fondi miqdori 10 million AQSH dollarini tashkil etuvchi mas’uliyati cheklangan jamiyat shaklidagi Oʻzbekiston-Amirliklar investitsiya kompaniyasini tashkil etish toʻgʻrisidagi ta’sis shartnomasi imzolangan va kompaniya investitsiya portfeli shakllanib borishiga muvofiq ustav fondining bosqichma-bosqich 1 milliard AQSH dollariga teng boʻlgan miqdorga yetkazilishi belgilangan.

2. «UzVC» Milliy venchur fondi.

Innovatsion gʻoyalar va startap-ekotizimni qoʻllab-quvvatlash infratuzilmasini yaratish maqsadida Oʻzbekiston Respublikasi Vazirlar Mahkamasining 2020 yil 3 noyabrdagi «UzVC»  milliy venchur fondi faoliyatini tashkil qilish chora-tadbirlari toʻgʻrisida»gi       684-sonli Qaroriga muvofiq «UzVC»  Milliy venchur fondi tashkil etildi hamda ustav kapitali 15 mlrd. soʻmni tashkil etuvchi «UzVC»  Milliy venchur fondi mas’uliyati cheklangan jamiyati 2020 yilning 15 dekabrida davlat roʻyxatidan oʻtkazildi.

Batafsil ma’lumotlarni hamda Fond faoliyatiga oid yangiliklarni «UzVC»  Milliy venchur fondining rasmiy veb-saytida havola orqali kuzatishingiz mumkin.